 Noble reconnaît qu'il a bien parlé, |  oble entent que bien a dit, | |
| et ne saurait rien refuser qu'il puisse lui demander, ou commander de faire. Il lui fait remettre Renart sur-le-champ, sans contestation aucune. Renart est libéré de ses liens, puis emmené à l'abbaye. Ils lui donnent des potions pour le retaper, lui apprennent les règles de l'ordre, le revêtent de l'habit de moine, et l'acceptent pour de bon dans leur ordre. Il est guéri en moins de quinze jours. Sachez qu'il n'est pas du tout mécontent de se retrouver complètement rétabli, après avoir passé un si mauvais moment. Il retient bien ce qu'on lui enseigne, et on dirait qu'il ne fait pas semblant. Il prend des attitudes de moine, on le considère comme un sage, il est apprécié et aimé de tous. On l'appelle frère Renart, alors qu'il joue bien les faux dévots en attendant de pouvoir sortir d'ici par la ruse. Renart est de bon service, il se rend volontiers à la sainte église, mais souvent, il repense aux poules dont il avait l'habitude de manger l'échine. Renart se répand en oraisons, il est plongé dans une grande affliction, il se comporte fort honorablement, les habits lui vont très bien, et il s'applique à apprendre les règles de l'ordre, on ne peut rien lui reprocher. Renart est maintenant devenu un vrai moine, il endure peine et souffrance à force de jeûner et de veiller, de chanter et de psalmodier. Un jour, après la messe qu'il avait écoutée de tout son cœur, Renart sort le tout dernier de l'église, avec dans sa main un psautier. Il aperçoit alors quatre chapons, tous de plus d'un an, que leur a donnés un bourgeois du nom de Tibert le riche, qui n'est ni chiche ni méchant avec les moines. Renart serait bien déçu de ne pouvoir s'en lécher les babines, et s'imagine en train d'en profiter joyeusement : « Par Dieu, fait-il, je ne suis pas de ceux qui se refusent à manger de la viande. Je n'ai pas fait vœu de ne pas manger de chair, et je prendrai pour un grand plaisantin quiconque m'obligerait à faire un tel vœu. Certes, ça serait rudement mal agir, mais je ne peux pas me retenir devant de la chair fraîche. Si je peux en avoir l'occasion, je leur montrerai ce que je sais faire avec ma gueule, et je les mangerai. » La journée passe, et la nuit arrive. Renart n'a pas oublié les chapons, et ne peut s'empêcher d'y penser. Il transgresse alors la règle d'obéissance. Il va aux chapons, les tire de leurs juchoirs, en mange un qu'il a frappé en plein cœur, et enterre les trois autres, qu'il viendra chercher le lendemain. Après les avoir bien recouverts de terre, il retourne se coucher. Personne ne sait rien de son embuscade, ni de sa ruse. Il est tombé sur une bonne occasion, et son naturel revient au galop. Le lendemain, après les matines, Renart qui aime tant la volaille, se régale des autres avant de retourner dans le cloître. Il mange le troisième sans qu'on le sache, puis le quatrième, quand passe non loin un frère, qui voit très bien que Renart le roux les trompe. Il va le raconter au couvent et Renart en récolte des injures. Il veut leur donner réparation, mais seigneur Bernard n'en a que faire, car il a aussi mangé un corbeau qu'ils avaient dans leur pré. Renart a déjà commis tant de larcins, qu'ils savent bien qu'il est coupable, et ils lui retirent son habit de moine. Quand il s'en va, il est bien gras, et ne demande rien d'autre que d'être hors d'ici. Il s'en fait une grande joie car l'ordre ne lui plaît pas du tout. Il se met en chemin, et continuera à nuire à Ysengrin. Comme les moines l'ont forcé à partir, il s'en va tout seul, et personne ne l'accompagne. Il profère maintes menaces contre ses ennemis, à cause de qui il a subi tous ces tourments. Il jure sur sa tête tonsurée que jamais il ne fera grâce de sa colère à Ysengrin et à Tibert, à cause de qui il a souffert tant de maux. Ronel, qui est dans une haie, l'aperçoit de loin, il est d'abord très étonné, puis s'écrie : « Regardez le moine que nous aurions dû pendre, le diable l'a encore chassé, les moines ne peuvent plus le souffrir. » Renart n'a pas envie de plaisanter, et se remet aussitôt en route, il va tout droit vers sa tanière où il retrouve sa femme chérie. Quand elle le voit, elle saute de joie, et se jette à son cou, bras devant, car elle était très malheureuse depuis qu'Ysengrin l'avait vaincu. Ses fils lui font la fête quand il voit leur père revenu sain et sauf, plus rien ne peut les mettre en colère. L'endroit est fort bien pourvu, et Renart, rasé comme un prêtre, a une grande envie de manger. Il demande de l'eau qu'on lui apporte aussitôt, puis ses fils mettent la table. Renart mange avec plaisir, il y a plein de bons morceaux, il en prend beaucoup, et se sent tout à son aise. Il continuera à causer des tourments à mon seigneur Ysengrin le loup, quand il pourra en avoir l'occasion. Vraiment, que tous prennent garde : seigneur Ysengrin Ronel, Tiécelin, Bruyant le taureau, et Tibert le chat ! Si Renart s'y connaît bien en ruse, il leur fera sans tarder un tour auquel ils ne s'attendent pas. | 15580 15584 15588 15592 15596 15600 15604 15608 15612 15616 15620 15624 15628 15632 15636 15640 15644 15648 15652 15656 15660 15664 15668 15672 15676 15680 15684 15688 15692 15696 15700 15704 15708 15712 15716 15720 | Nel vodroit avoir escondit De riens que il li demandast Ne que a fere conmandast. Renart li otroie erroment Sanz nul autre contendement. Renart a jeté de prison, Si l'en amene en sa maison ; Poison li donnent por amordre, Et bien l'endoctrinent en l'ordre ; De dras a moine l'ont vestu, En l'ordre l'ont bien receü. Ainz .XV. jors fu il gariz ; Sachiez n'en fu mie marriz, Toz fu gariz et respassez, Par mains mauvez pas est passez. Bien retient ce qu'en li ensaigne, Ne fet pas semblant qu'il se faigne ; Les signes fait de moniage, Mout le tiennent laiens a sage, Chier est tenuz et mout amez. Frere Renart ert apelez, Et si fet mout le papelart, Tant qu'il s'em puisse issir par art. Mout est Renart de biau servise, Volentiers va a sainte eglise ; Sovent li membre des gelines Dont il seult mengier les eschines. Mout fet Renart granz oroisons Et se tient en aflicions, Mout se deduit honestement, Bien li sient li vestement, Si s'entremet de l'ordre aprandre ; Il n'a en lui riens que reprendre. Ore est Renart devenuz moines ; Grant dolor suefre et granz paines De jeüner et de veillier, De chanter et de verseillier. .I. jor fu la messe chantee, Renart l'ot de cuer escoutee ; Tot derreain ist du mostier, En sa main tenoit .I. sautier. Quatre chapons toz soranez Lor avoit .I. borjois donnez, Qui avoit non Tybers li riches ; Vers euls n'estoit avers ne chiches. Renart les a aparceüz ; Or sera il bien deceüz, Se il n'en fet ses grenons bruire ; Lieement se cuide deduire : « Par Dieu, fet il, ne m'apartiennent Cil qui mengier de char ne daingnent. N'ai pas fait veu de mengier char. Mout le tendroie a grant eschar Qui tel veu fere me feroit. Certes durement mesferoit ; De char ne me puis je tenir. Se je em puis en lieu venir, A ceus mosterré que feré ; A ma geule les mengeré. » Le jor trespasse, la nuit vint ; Renart qui des chapons sovint, Ne les pot metre en oubliance. Ce jor trespasse obedïence, Vint au chapons, si les desjoche, .I. en menjue, au cuer li touche ; Les autres .III. a mis en terre, L'endemain les vendra requerre ; Si les a coverz du terrier, Ariere s'est alez couchier. Nus ne set rien de son aguet Ne du barat que il a fet. Bien li chaï de l'aventure, Mout se retret a sa nature ; L'endemain aprés les matines Renart qui tant ainme gelines S'est des autres desgeünez, Puis est en cloistre retornez. Le tierz menja que nus nel sot, Au quart mengier illec passot .I. frere qui bien aparçut Que Renart li rous les deçut. Et au covent le va contant Et Renart en ot honte grant. Renart leur en voloit droit fere, Mes dant Bernart n'en ot que fere, Qu'il avoit mengié .I. corbel Qu'il troverent en lor prael. Tant larrecins lor ot il faiz Que bien sorent qu'il ert mesfaiz ; A Renart ont tolu les dras. Quant il s'em parti, toz fu cras ; Ne demandoit nule autre riens Ne mes issuz fust de laiens. Mout durement liez s'en fesoit, Que l'ordre pas ne li plaisoit ; Tornez s'en est par .I. chemin, Encor nuira a Ysengrin. Li moine l'ont mis a la voie, Toz seus s'en va, nus nel convoie. Mout menace ses anemis, Ceus par qui fu en paine mis ; Sa teste jure coronnee Que ja s'ire n'ert pardonnee A Ysengrin ne a Tybert Par cui il a tant max soufert. Roonel ert en une haie, De loing le voit, forment s'esmoie, Si s'escrie : « Vez le rendu Que devion avoir pendu ; Deables l'ont ore hors mis, Li moine nel volent sofrir. » Il n'a talent de ramponer, Ainz s'en prist tantost a aler, Si va tot droit en sa tesniere Ou a trové sa fame chiere ; Et quant le voit, grant joie en a, Ses .II. braz au col li jeta, Qui mout avoit grant duel eü Que Ysengrin l'avoit vaincu. Si filz en ont joie mout grant Quant lor pere voient devant ; Puis que il est sains repairiez Nus ne les pouoit coroucier ; Mout fu bien acesmez li estres. Renart qui fu res conme prestres, Ot mout grant talent de mengier ; L'eve conmanda a huchier, Et on li a tost aportee ; Si fil ont la table posee, Renart menga mout volentiers, A grant plenté ot de daintiez ; Assez menja et fu aaise. Encore metra en malaise Mon seignor Ysengrin le leu, Se il en puet venir en leu. Or se gart bien dant Ysengrin Et Rooniaux et Tiecelin, Bruiant li tors, Tybert le chat ; Se Renart sot onques barat, Il lor fera, que que il tarde, Tel saut dont ne se prandront garde. |
| La bataille de Renart et d'Ysengrin | C'est la bataille de Renart et de Ysangrin (26) | |
Notes de traduction (afficher)
Articles
Aucun commentaire:
Enregistrer un commentaire